Vaksinerer i veg

Alle kommunane i Hallingdal er ferdige med å vaksinere folk i risikogruppene. Les korleis vaksineringa held fram i kommunen din.

Flå kommune

Får ikkje nye dosar denne veka.

Har vaksinert alle ut ungdomsskulen.

Veit ikkje når det kjem fleire vaksinar.

Men kommunelegen seier den fyrste vaksineringa var den viktigaste.

Kommunelege Roger Hyldmo konstaterer at ingen kjem med symptom lengre, verken førre veke eller denne.

Nes kommune

Får ikkje nye dosar denne veka.

Fredag og måndag vaksinerte dei nøkkelpersonell.

Tysdag blir det vaksinering av folk flest i alderen 16-21.

Onsdag 22-30 år og torsdag 31-50 år. Men helseetaten veit ikkje om det blir att vaksinar til siste økt, og ber folk sjekke heimesidene til kommunen. Ein planlegg elles å vaksinere bortebuande studentar i romjula. Tidlegare har Nes sagt at dei som meiner dei har vore sjuke, må vente. – Dei kan koma likevel, seier Astrid B. Garthus, leiande helsesyster.

Gol kommune

Skal få nye dosar denne veka.

Vaksinerte folk i alderen 16-26 år torsdag og fredag.

Planlegg å halde fram med eldre aldersgrupper denne veka. Datoane er ikkje bestemt.

Hemsedal kommune

Skal ikkje få nye dosar denne veka.

Vaksinerte folk i alderen 16-45 år torsdag, og alle aldrar fredag.

Blei det att dosar førre veke, blir det og gjeve tilbod ein dag denne veka.

Ål kommune

Får nye dosar denne veka, og planlegg dermed å starte vaksineringa av den generelle befolkninga veka etter: Veke 50.

Førre veke har dei vaksinert barn opp til skulealder.

Denne vek agår ein vidare med fyrste- til tiandeklasse på skulen.

Hol kommune

Får nye dosar denne veka.

Måndag vaksinerer ein ungdomsskuleelevane, samt folk i aldersgruppa 16-19 år på helsestasjonen.

Tysdag NTG.

Torsdag er det ny sjanse for folk opp til 19 år.

Onsdag veka etter planlegg dei å vaksinere folk frå 20-39 år.