Mopedist (16) sendt med luftambulanse
Ein ung, lokal gut (16) vart sendt til Ullevål universitetssjukehus med luftambulanse etter ei trafikkulykke i Smådøl i Nore og Uvdal onsdag kveld.
Guten køyrde moped då han kolliderte med ein bil.
Ifølgje lensmann Anne Guri Rustgaard i Nore og Uvdal har guten brotskadar.
Artikkelen held fram under annonsen.
Føraren av bilen vart ikkje skadd, og det var ikkje fleire personar involvert i trafikkulykka.
Ulykka skjedde på ein smal grusveg, i området mellom skytebanen og crossbanen. Naudetatane fekk meldinga i 19-tida.
Mopedføraren vart fyrst henta av bilambulanse før han vart flytta over i luftambulansen.
Ifølgje lensmannen er det ikkje mistanke om promillekøyring.