Elbilen Opel Ampera-e skal ha ei rekkjevidd på 50 mil og ein startpris på 300.000. Det kan vere starten på den verkelege elbilrevolusjonen, ikkje berre i Norge, men også i resten av verda.
Elbilen Opel Ampera-e skal ha ei rekkjevidd på 50 mil og ein startpris på 300.000. Det kan vere starten på den verkelege elbilrevolusjonen, ikkje berre i Norge, men også i resten av verda.

Mykje på gang

2016 var det beste året for nybilsal i Norge på 30 år og det tredje beste i historia. I 2017 står nyheitene i kø, med ei rad nye modellar som har stort potensial.

Småbilmarknaden er ganske liten i Norge, med ein marknadsdel på vel 10 prosent, samtidig vil det i år komme fleire bilar som kan finne mange kundar i Norge.

41 år etter at den første Fiesta-utgåva vart lansert, kjem bilen no i sin sjuande generasjon. Det er antatt at den kjem hit til sommaren. Bilen har blitt noko større enn utgåva den erstattar, og innvendig har den fått same opprydding som andre nyare Ford-modellar.

Artikkelen held fram under annonsen.

Citroën startar året med å rulle ut ein heilt ny C3. Den vil ha ein svært låg startpris på 163.000 kroner.

I tillegg kjem Hyundai og Kia med søskena Picanto og i10, mens Nissan byr på ein ny Micra. Suzuki kjem med Ignis, ein slags mini-SUV med hybrid drivline og ein startpris på 199.900.

Kompaktbilar

Kompaktsegmentet står for omtrent ein tredel av personbilmarknaden, med Volkswagen Golf som totalt dominerande. Golfen kjem i ei oppgradert utgåve i vinter.

Skoda har aldri tidlegare vore ute med ein SUV på storleik med Kodiaq.
Skoda har aldri tidlegare vore ute med ein SUV på storleik med Kodiaq.
Mazda CX-5 har selt veldig godt i Norge, det vil høgst sannsynleg fortsette når den nye utgåva kjem til sommaren.
Mazda CX-5 har selt veldig godt i Norge, det vil høgst sannsynleg fortsette når den nye utgåva kjem til sommaren.
Peugeot byter i år ut fleirbruksbilar med SUV-ar, her ser me 3008.
Peugeot byter i år ut fleirbruksbilar med SUV-ar, her ser me 3008.
Alfa Romeo er inne i ei relansering av merket der Stelvio blir viktig.
Alfa Romeo er inne i ei relansering av merket der Stelvio blir viktig.
Mercedes-Benz kjem for første gong med ei stasjonsvogn med litt ekstra bakkeklaring og SUV-element.
Mercedes-Benz kjem for første gong med ei stasjonsvogn med litt ekstra bakkeklaring og SUV-element.
BMWs 5-serie skal, som alltid, vere ein sportsleg familiebil.
BMWs 5-serie skal, som alltid, vere ein sportsleg familiebil.
Citroën satsar igjen med litt frekk design på sine modellar. C3 hentar element frå C4 Cactus.
Citroën satsar igjen med litt frekk design på sine modellar. C3 hentar element frå C4 Cactus.

Litt seinare i år, på forsommaren, dukkar det opp ein bil som både kan bli ein bestseljar og markere eit vegskilje: Opel Ampera-e. Dette er den første kompakte elbilen med solid rekkjevidd, oppgitt til 50 mil, og startprisen er ein hundrelapp under 300.000.

– Vi veit me får mange Ampera-e til Norge når den kjem, men me veit også at det ikkje blir mange nok, seier Bernt G. Jessen, administrerande direktør i Opel Norge.

På vårparten kjem Honda med ein ny Civic, samtidig med at Kia lanserer ein ny versjon av Rio og Hyundai i30.

Og kanskje kjem Tesla Model 3 innan året er omme.

Familiebilar

BMW vart det tredje største personbilmerket i Norge i 2016, og dei startar 2017 med å rulle ut sjuande generasjon av 5-serien.

Artikkelen held fram under annonsen.

– Nye BMW 5-serie kombinerer luksusen frå BMW 7-serie med den kjende køyregleda til BMW 3-serie, seier Marius Tegneby, kommunikasjonsdirektør i BMW Group Norge.

Prisane startar på snautt 500.000 kroner, og serien vil bli tilgjengeleg med mange forskjellige motorar og drivliner. I mars kjem den ladbare hybriden, mens stasjonsvogna kjem i mai.

For første gong bevegar Mercedes-Benz seg inn på marknaden til Audi A6 Allroad, med E-klasse All-Terrain. Den har to centimeter høgare bakkeklaring enn E-klasse i dag. Dei robuste detaljane er henta frå SUV-ane til merket. I første omgang kjem Mercedesen med ein dieselmotor på 194 hestekrefter.

Ein av produsentane som har sysla med slike bilar i lang tid, er Volvo. I fjor lanserte dei V90, til våren kjem denne i Cross Country-utgåve, som til liks med A6 Allroad og E-klasse All-Terrain er ei stasjonsvogn med SUV-ambisjonar. Den er venta til Norge tidleg på våren.

Opels største bil, Insignia, kjem i ein heilt ny versjon på seinsommaren. Den får ein meir coupéaktig form enn utgåva i dag. Stasjonsvogna kjem til hausten.

Renault held framleis på med fleirbruksbilar og lanserer ein ny Grand Scenic mot slutten av vinteren, i tillegg kjem Megane som stasjonsvogn på same tid.

SUV-ar

SUV-ar er det aller største personbilsegmentet i Norge. Ikkje overraskande er det mange nye modellar på gang i 2017.

Audi Q5 kjem heilt i starten av året.

Artikkelen held fram under annonsen.

– Vi har store ambisjonar for den nye Q5-en, som har fått meir innvendig plass, meir teknikk og samtidig redusert vekt. Målet er å selje eit firesifra tal Q5 i den norske marknaden, seier Harald Edvardsen-Eibak, direktør for Audi i Norge.

CX-5 har vore Mazdas bestseljande modell i Norge sidan den kom i 2012, og ei ny utgåve er venta til sommaren.

Peugeot rullar i desse dagar ut ein ny 3008, som no har gått frå å vere ein fleirbruksbil til ein SUV, det same skjer med 5008 når den kjem til våren.

Alfa Romeo Stelvio kjem på den norske marknaden til sommaren og er den første SUV-en frå denne produsenten. Den er basert på same plattform som sedanen Giulia, som vart lansert i fjor.

Opel er i ein lanseringsraptus, og lovar to nye SUV-ar i 2017. Crossland X skal vere noko større enn Mokka X, og Grandland X er litt større enn det igjen.

Skoda har store forventningar til Kodiaq, som blir deira første større SUV, i tillegg kjem det ein heilt ny Yeti mot slutten av året.

Den norske Renault-importøren kan bekrefte at dei også melder seg på i den litt større SUV-klassen med Koleos i 2017.

Mini Countryman er venta i sin andre generasjon, som no har vakse og skal vere 430 centimeter lang, mens Land Rover kjem med ein mykje større bil, Discovery, som deler plattform med Range Rover. (NPK)